由於家族遺傳原因，多年來我一直受脫髮問題困擾，30歲打後情況更加愈來愈嚴重，為咗可以多返少少頭髮，食藥又試過，生髮又買過，仲換晒屋企啲洗頭水，真係你數到嘅生髮偏方我都試過晒，可惜都係無用，去到上年連頭頂嘅頭髮都甩晒，變到好似地中海咁，我就決定真係要做植髮手術喇。
雖然植髮喺香港都好常見，好多明星都有做過，不過始終都算係一個小型手術，緊係要揀間好少少嘅診所，因為之前都睇過一啲新聞，見到有啲植髮診所收費好貴之餘，更加搵非醫療專業嘅人去進行手術，最後令到患者頭皮更加受傷，脫髮問題冇改善之餘仲惡化左。加上成個植髮手術嘅費用都唔平，當然要做多啲資料蒐集，而我決定做植髮手術之後，上網做咗好多research，最後就決定喺顯赫到做，最主要係因為佢哋歷史最悠久，有好多好評，應該都信得過。
因為唔想留疤痕，所以我打算做FUE植髮，雖然收費係貴少少，但因為我最想係改善外觀，貴少少都值得嘅。既然決定咗，我就去左顯赫尖沙咀診所度做諮詢，佢哋檢查完我頭皮同頭髮狀況之後，就推薦我做Artas技術，係而家最新嘅技術，用AI手臂協助手術，可以令毛囊存活率大大提高，所以亦係而家手術成功率最高嘅技術，而且唔會有疤痕。我見效果好似幾好，既然都係要做手術，就一於做Artas徹底解決呢個困擾我咁多年嘅問題啦！
植髮當日，我好早就到咗診所，因為成個過程都要做幾個鐘，我就特登請咗一日假。其實個手術原理都好簡單，喺諮詢嘅時候佢哋已經解釋過俾我聽，而當日手術流程都好順利，進行局部麻醉之後，醫生就係我後尾枕逐個逐個毛囊移植落嚟，之後就分髮，最後就移植返去我額頭同頭頂位置。Artas同平時傳統嘅植髮手術唯一嘅唔同，就係多咗隻AI機械手臂協助醫生，所以成個手術過程快咗好多，大概四至五個鐘左右就完成，麻醉藥藥效都未過，不知不覺就做完。最後，顯赫嘅職員幫我進行咗簡單嘅術後護理，同埋講解我返到屋企之後，應該點樣處理傷口、清潔方法、要避免進行運動等等，仲俾咗一啲止痛藥我以防萬一，成個體驗都好專業。
做完手術之後嗰個星期，其實都冇咩效果可以見到住，因為都需要一啲時間，新移植嘅毛囊先會重新生頭髮，反而係頭皮有少少腫脹同開始結焦，不過都唔會影響日常生活同返工。我每日都好小心咁樣打理個傷口，驚傷口發炎會影響最終生髮效果。而家完成咗手術大概四個月，開始見到啲頭髮生番出嚟，整體頭髮濃密咗好多，成個人嘅形象都後生咗。我見香港都有唔少人同我一樣遇到脫髮問題，我好推薦大家去了解一下植髮手術，因為我自己都有啲後悔太遲做。植髮手術個效果係永久性，越早做越早可以改善問題，而家多返頭髮，真係自信都多咗。
留言列表
